బైబిల్ వెలుగులో కొన్ని సూక్తులు

దుష్టుల ఆలోచన చొప్పున నడువక
పాపుల మార్గమున నిలువక
అపహాసకులు కూర్చుండు చోటను కూర్చుండక
యెహోవా ధర్మశాస్త్రమునందు ఆనందించుచు
దివారాత్రము దానిని ధ్యానించువాడు ధన్యుడు. కీర్తనలు 1:1-2

జ్ఞానము సంపాదించినవాడు ధన్యుడు
వివేచన కలిగిన నరుడు ధన్యుడు సామెతలు 3:13

మూర్ఖపుమాటలు నోటికి రానియ్యకుము
పెదవులనుండి కుటిలమైన మాటలు రానియ్యకుము సామెతలు 4:24

జ్ఞానము ముత్యములకన్న శ్రేష్ఠమైనది.
విలువగల సొత్తులేవియు దానితో సాటి కావు సామెతలు 8:11

అపహాసకుని గద్దింపకుము గద్దించిన యెడల వాడు నిన్ను ద్వేషించును.
జ్ఞానంగలవానిని గద్దింపగా వాడు నిన్ను ప్రేమించును. సామెతలు 9:8

నీతిమంతుడు ఏడుమారులు పడినను తిరిగి లేచును
ఆపత్కాలమునందు  భక్తిహీనులు కూలుదురు. సామెతలు 24:16

మాటిమాటికి నీ పొరుగువాని యింటికి వెళ్లకుము
అతడు నీవలన విసికి నిన్ను ద్వేషించునేమో సామెతలు 25:17

యెహోవాయందు భయభక్తులు కలిగియుండుటయే జ్ఞానమునకు మూలము.
పరిశుద్ధ దేవునిగూర్చిన తెలివియే వివేచనకు ఆధారము. సామెతలు 9:10.
                                                             
                                                      More Bible Articles