మీ జీవిత లక్ష్యం మీకు తెలుసా!?

ఈ సకల చరాచర సృష్టిలో మానవుణ్ణి ఉన్నతమైన, ఉత్కృష్టమైన జీవరాశి అంటారు. అంటే ఈ యావత్ ప్రపంచంలో ఉండే జీవరాశులు అనగా జంతువులు, పక్షులు, జలచరాలు, క్రిమికీటకాలు, క్షీరదాలు, సరీసృపాలు, మొ||న జీవరాశులు. వీటన్నింటి కంటే మానవుడు గొప్పవాడు. ఈ మానవుడే ఎందుకు గొప్పవాడంటే! ఈ సకల చరాచర సృష్టిలో ఉండేటటువంటి జీవరాశులన్నింటికీ లేనటువంటి ఒక ప్రత్యేకత ఈ మనిషికి ఉంది. అదే ''ఆలోచనాశక్తి  లేదా విచక్షణాజ్ఞానం''. అంధుకే మనిషి మాత్రమే తనకంటే బలమైనటువంటి పశుపక్షాదులను, జంతువులను మశ్చిక చేసుకొని, ఇంకా అనేక విధాలుగా ఉపయోగించుకోగల్గుతున్నాడు. అదే విధంగా రాతి యుగం నుంచి రాకెట్టు యుగానికి అడుగుపెట్టిన ఈ మానవుడు శాస్త్ర సాంకేతిక రంగాలలో, ఇంకా ఈ భౌతిక ప్రపంచంలో ఎంతో అభివృద్దిని సాధించాడు. ఇంకా తన ''మేదస్సు'' ద్వారా అనేక పరిశోధనలు జరిపి అనేక వస్తువులను, పరికరాలను నిర్మించి వాటి దిశా, నిర్దేశనాలను, వాటి ''లక్ష్యాలను'' నిర్మిస్తున్నాడు అని అనటంలో ఎలాంటి సందేహం లేదు. 

          అటువంటి ఈ మానవుడు ఏ లక్ష్యం కొరకు ఈ ప్రపంచానికి వచ్చాడు? ఎందునిమిత్తం అతడు సృష్టించబడ్డాడు? అసలు మనిషి ''తన జీవిత లక్ష్యం ఏమిటి ''? అని ఎప్పుడైనా తన ''జ్ఞానంతో'' ఆలోచించాడా!? తనకంటే బలమైన జంతువులను మశ్చిక చేసుకొని, ఉపయోగించుకొనే విషయంలో, ఇంకా అనేక వస్తువులను, పరికరాలను కనుగొనే విషయంలో తన ''జ్ఞానాన్ని'' ఉపయోగించిన ఈ మానవుడు, “తన జీవిత లక్ష్యాన్ని లేదా తన జీవిత గమ్యాన్ని”  తెలుసుకొనే విషయంలో తన ''బుద్దిని'' ఉపయోగించాడా!?
        అణువు నుంచి పరమాణువు వరకు ఏదైనా ఒక వస్తువును సృష్టించిన ''ఈ మానవుడే'' దానికొక 'లక్ష్యాన్ని' పెడుతున్నాడు. దానిని 'లక్ష్యరహితంగా' వదిలివేయటం లేదు. అదేవిధంగా ''మనిషిని సృష్టించిన వాడు'' కూడా మనిషికోక 'లక్ష్యాన్ని' పెడుతున్నాడు. మనిషిని 'లక్ష్యరహితంగా' వదిలివేయటం లేదు.

          మరి మనిషి తన లక్ష్యాన్ని ఎక్కడ తెలుసుకుంటాడు!? ఉదాహరణకు మానవుడు ఒక చిన్న వస్తువును తయారుచేస్తేనే దాని లక్ష్యాన్ని నిర్దేశించే [అనగా ఏ విధంగా ఉపయోగించాలి, ఉపయోగించకూడదు] విషయంలో దానికొక పుస్తకాన్ని [MANUAL] ఇస్తున్నాడు. ఉదా: సెల్ ఫోన్, టి‌వి, ఫ్రిజ్, వాషింగ్ మిషన్ మొ||వి. అటువంటిది మనిషిని తయారుచేసినవాడు కూడా మనిషి తన జీవిత లక్ష్యాన్ని [ఏ విధంగా జీవించాలి, జీవించకూడదు] తెలుసుకొనే విషయంలో మనిషికొక పుస్తకాన్ని [MANUAL] ఇవ్వడంటాడా? మన బుద్ది ఇచ్చే సమాధానం ఏమిటి? ఖచ్చితంగా ఇస్తాడన్నది! ఈ సకల చరాచర సృష్టిని సృష్టించిన ఆ సృష్టికర్త అనంతకరుణాస్వరూపుడు కాబట్టే ఆయన ఆది నుంచి మానవులకు అనేక గ్రంధాలను [MANUALS] పంపించాడు. అదే వేదాలు, భగవధ్గీత, బైబిల్ మరియు ఖుర్ఆన్. 

భగవధ్గీతా శాస్త్రం:- 
నీవు చేయదగినదియు, చేయరానిదియు నిర్ణయించునప్పుడు నీకు “శాస్త్రము ప్రమాణమైయున్నది”. శాస్త్రమునందు చెప్పబడిన దానిని తెలిసికొని, దాని ననుసరించి, నీవీ ప్రపంచమున కర్మము చేయదగును.    -16:24

బైబిల్ శాస్త్రం: - 
దేవుని యందు భయభక్తులు కలిగియుండి ఆయన “కట్టడలననుసరించి నడుచు చుండవలెను”, మానవకోటికి ఇదియే విధి.                                                                                                 -ప్రసంగి :- 12:7

ఖుర్ఆన్ శాస్త్రం :- 
మానవులారా! మీ ప్రభువు తరపు నుండి మీవద్దకు సృష్టమైన నిదర్శనం[ఖుర్ఆన్] వచ్చింది. మేము మీ వద్దకు మీకు సృష్టంగా మార్గం చూపే జ్యోతిని పంపాము. ఇక అల్లాహ్ మాటను ఆలకించేవారిని, ఆయన శరణు వేడుకునే వారిని అల్లాహ్ తన కరుణతో తన అనుగ్రహంతో కప్పివేస్తాడు. వారికి తన వైపునకు వచ్చే బుజుమార్గం చూపుతాడు.  
                                                                                                    - ఖుర్ఆన్:- 174,175

పై అధ్యాత్మిక వాక్యాల ద్వారా మనకు తెలిసేదేమిటంటే మన నిత్య జీవితంలో ఏదైనా ఒక పని చెయ్యాలన్నా, మానుకోవాలన్నా మనం శాస్త్రాలను ప్రమాణంగా చేసుకోవాలన్నది! మరి మనిషి స్వేచ్ఛా జీవి తన ఇష్టమొచ్చినట్లు జీవించడానికి అతనికి హక్కు ఉన్నది. మరి మనిషి తన ఇష్టమొచ్చినట్లు ఈ ప్రపంచంలో తన జీవితాన్ని గడిపితే కలిగే పర్యవసానం ఏమిటి? అని మన అధ్యాత్మిక గ్రంధాలను పరిశీలిస్తే! 

భగవధ్గీతా శాస్త్రం:- 
ఎవడు శాస్త్రోక్తమగు విధిని విడిచిపెట్టి తన యిష్టమొచ్చినట్లు, ప్రవర్తించునో, అట్టివాడు పురుషార్ధసిద్ధినిగాని, సుఖమునుగాని, ఉత్తమగతియగు మోక్షమునుగాని పొందనేరాడు.                         -  16:23

బైబిల్ శాస్త్రం: - 
నీ దేవుడైన యెహోవా సెలవిచ్చిన మాట వినని యెడల ఈ శాపములన్నియు నీకు సంభవించును. పట్టణములో నీవు శపించబడుడువు, పొలములో నీవు శపించబడుడువు.                          – ద్వితీ||కా||: 28:15,16

ఖుర్ఆన్ శాస్త్రం :- 
ఇక నుండి అల్లాః ఆజ్ఞలను ధిక్కరించే వారికి కఠిన శిక్ష పడటం నిశ్చయం. అల్లాః మహత్తర శక్తి సంపన్నుడు. దుష్టత్వానికి తగిన ప్రతిఫలం ఇచ్చేవాడూను. 3 : 4

పై అధ్యాత్మిక వాక్యాల ద్వారా మనకు తెలిసేదేమిటంటే  మనిషి ధార్మిక గ్రంధాలకు వ్యతిరేకమైన జీవితాన్ని గడిపితే అశాంతికి, తీవ్రనష్టానికి గురైపోతాడని స్పష్టమవుతుంది. 

సరే! ఎంతకీ మనిషి "తన జీవిత లక్ష్యాన్ని"  గూర్చి ఆధ్యాత్మిక శాస్త్రాలు ఇచ్చే సందేశం ఏమిటి? 

వైదిక శాస్త్రాల ప్రకారం :
“లక్ష్యం తదేవాక్షరం సోమ్య మిద్ది “
అవినాశి అయిన పరబ్రహ్మమును తెలుసుకొనుటయే నీ లక్ష్యం.       ముండకోపనిషత్ :- 2:2:3

“ప్రణవో ధనుః శరో హ్యథ్మా  బ్రహ్మ తల్లక్ష్య ముచ్యతే”
 మనస్సు బాణం, గురి బ్రహ్మము, బ్రహ్మమును లక్ష్యంతో సాధించాలి.    ముండకోపనిషత్ :- 2:2:4

బైబిల్ శాస్త్రం: - 
భూ జంతువులకంటే మనకు ఎక్కువ బుద్దినేర్పుచు ఆకాశపక్షులకంటే మనకు ఎక్కువ జ్ఞానం కలుగజేయుచు “నన్ను సృజించిన దేవుడు ఎక్కడ నున్నాడని అనుకొనువారెవరును లేరు”.          యోబు :- 35:11

నీ బాల్యదినములందే “నీ సృస్ష్టికర్తను స్మరణకు” తెచ్చుకొనుము.               ప్రసంగి :- 12:1,2

ఖుర్ఆన్ శాస్త్రం :-
నేను జిన్నాతులనూ, “మానవులనూ నా ఆరాధన కొరకు తప్ప మరిదేని కొరకూ సృస్టించలేదు”.జారియత్:-51:56 
వారు[మానవులు] దైవాన్ని ఏ విధంగా గుర్తించాలో, ఆ విధంగా గుర్తించనే లేదు. అజ్ జుమర్:-39:67

పై అధ్యాత్మిక వాక్యాల ద్వారా మనిషి “తనను సృష్టిoచిన దైవాన్ని తెలుసుకొనుటయే” అతని జీవిత లక్ష్యం అని తెలుస్తుంది. 

మరి ఆ దైవాన్ని ఎలా గుర్తించాలి ?

వైదిక శాస్త్రాల ప్రకారం :-
“యేకే ఏవనో దూత్యో”. “ద్వావ భూమిజనయాన్ దేవ ఏకః” 
దేవుడు ఒక్కడే, ఆయన అద్వితీయుడు. భూమికి, ఆకాశానికి సృస్తికర్త ఒక్కడే     శ్వేతా|| 3:3
“అక్షరం బ్రహ్మ పరమమ్”
నాశనంకానీ సృష్టికర్త “పరమందు” ఉంటాడు                           భగవథ్గీత:- 8:3 
“న చాస్యకశ్చిజ్ఞానితా  న చాదిపః
ఆయనకు తల్లిదండ్రులు లేరు. ఆయనకు ప్రభువు లేడు.              శ్వేతా || :- 6:9
“న తస్య ప్రతిమ అస్తి”
ఆయనకు సాటి, పోలిక ఎవరు లేరు.                               యజుర్వేదం :- 32:3  

“అజమ్”       =   పుట్టుకలేనివాడు                               - భగవథ్గీత:- 10:3 
“స పర్యగాచ్చు క్రమకాయమ్ “
అతడేన్నడూ శరీరము ధరించడు.                               –యజుర్వేదమ్ :- 40:8
“ఓం జన్మరహితః జన్మప్రద “ 
దేవుడు జన్మను ఇస్తాడు కానీ, జన్మించడు                      -వేదం

“అవ్యక్తం”      =    కంటికి కనబడనివాడు                        - భగవథ్గీత:- 7:24 
దేవుని రూపము చూపుమేరలో లేదు,
కన్నులతో ఎవడును ఆయనను చూడలేడు                       - కఠోపనిషత్ :- 6:9

న వినశ్యతి  =    నాశనం లేని వాడు [మరణించడు]         - భగవథ్గీత:-  8:20

బైబిల్ శాస్త్రం ప్రకారంగా  :-
మన దేవుడైన యెహోవా “అద్వితీయుడైన” యెహోవా      - ద్వితీ||కా|| 6:4
భూమి మీద ఎవరికైననూ తండ్రి[దేవుడు} అని పేరు పెట్టవద్దు; “ఒక్కడే మీ తండ్రి[దేవుడు]”; ఆయన “పరలోకమందున్నాడు”.                                       - మత్తయి :- 23:9
నేను దేవుడను నన్ను పోలినవాడేవడును లేడు.           -యెషయ :- 46:9
కావున మీరు ఎవనితో దేవుని పోల్చెదరు? ఏ రూపమును ఆయనకు సాటి చేయగలరు? -యెషయ :- 40:18

దేవుడు అబద్దమాడుటకు “ఆయన మానవుడు కాడు” 
పశ్చాత్తాపపడుటకు “ఆయన నరపుత్రుడు కాడు”.                 సంఖ్యా కా|| 23:19
మనుష్యులలో ఎవడును  ఆయనను చూడలేదు. ఎవడును చూడనేరడు.  -1వ తిమోతి:6:16

ఏ మానవుడును దేవుని ఎప్పుడు చూచి యుండలేదు.                       -1వ యోహాను :-4:12

యెహోవాయే జీవముగల[మరణంలేని] దేవుడు.                        – యిర్మియా :- 10:10 

ఖుర్ఆన్ శాస్త్రం ప్రకారం :-
ఒకవేళ ఆకాశాలలో, భూమిలో “ఒక్క అల్లాహ్ తప్ప” ఇతర దేవుళ్లు కూడా ఉంటే, అప్పుడు [భూమ్యాకాశాల]
రెండిటి వ్యవస్థ చిన్నాభిన్నమై ఉండేది.                                     -అల్ అంబియా:- 21:22

ఆయనకు “సంతానం ఎవరూ లేరు”. ఆయన కూడా “ఎవరి సంతానం కాదు”. -అల్ ఇఖ్లాస్:- 112:3

అల్లాహ్ ను “పోలినది” ఈ సృష్టిలో ఏది లేదు.                              -అష్ షూరా:- 42:11
అల్లాహ్ సజీవుడు, నిత్యుడు, విశ్వవ్యవస్థకు ఆధారభూతుడు.          – అల్ ఇమ్రాన్ :- 3:2

ఆయన సజీవుడు, ఎన్నడూ మరణించనివాడు.                          – అల్ ఫుర్ఖాన్:- 25:58

పై అధ్యాత్మిక వాక్యాల ప్రకారం మానవుడు తనను పుట్టించిన దైవాన్ని అద్వితీయుడుగా, జనన మరణాలకతీతుడుగా, అవ్యక్తుడిగా, నాశనం లేనివాడిగా గుర్తించి, ఆ దైవానికి ఎవ్వరినీ సహవర్తులు లేరని గ్రహించి, ఆ ఏకైక దైవం యొక్క ఆదేశాల ప్రకారం జీవితం గడపటమే “మానవ జీవిత లక్ష్యమని” అవగతమవుతుంది.

                                                          ధన్యవాదములు

G.ఆనంద్

anandchinna321@gmail.com